Daesnie murreds evtiedimmieh viermieevtiedimmieprosjekteste onne saemiej gïelide mesnie ulmie lea ööhpehtimmiebarkijh jïh studenth, dotkijh jïh sjæjsjalimmieaajhterh ektesne tjåanghkenidh juktie buerebe laavenjostedh jïh gïelejielievoetem nænnoestidh.
Njoktjen 21. b. 2025, gïjrebiejjien, SAMLA-ektiebarkijh dan voestes tjåanghkose tjåanghkenin, Networkshopesne ”Onne saemiej gïeli dotkeme jïh ööhpehtimmie golme laantine”. Daate Networkshop dotkijh tjöönghki dejnie 4 onne saemiej gïeline SAMLAsne: åarjelsaemesne, julevsaemesne, enaresaemesne jïh skoltesaemesne. Dotkijh dennie voestes tjåanghkosne lij Markus Juutinen (Giellagas Instituhte, Oulun universiteete), Marja-Liisa Olthuis (Giellagas Instituhte, Oulun universiteete), Michelle Francett-Hermes (Giellagas Instituhte, Oulun universiteete), Miika Lehtinen (Giellagas Instituhte, Oulun universiteete), Camilla Olofsson Båatas (Gaskeuniversiteete), David Kroik (Noerhte universiteete/Gaskeuniversiteete), Inger Johansen (Noerhte universiteete), Minerva Piha (Noerhte universiteete), Bruce Morén-Duolljá (Noerhte universiteete), Hanna Danbolt Ajer (Noerhte Universiteete) jïh SAMLAn åejvie Ingvill B. Åberg (Noerhte universiteete).
Åejviefokuse daennie voestes tjåanghkosne lij åahpehke fïerhten gïelen daaletje tsiehkine sjïdtedh, sïejhme haestemh juekedh goh vaenie lohkehtæjjijste jïh lohkehtimmievierhtijste, jïh aaj institusjovneles haestemh, bene joekoen fokusem dan urrebe evtiedæmman, hijven praksisasse jïh soejkesjidie båetijen aajkan utnedh.
Mijjieh dam nedtesoptsestimmiem eelkimh gosse sinsitnine jïh mijjen barkoesuerkiejgujmie dejnie smaave saemien gïeline åahpenimh, jïh dan mænngan vuesiehtimmieh govlimh fïerhtede gïeledåehkeste. Tjïelke lij nimhtie akte gellie dejstie haestiemijstie seamma ov-messie gïele-dåehkine. Akte sïejhme nebnije lea man gïerve lea prosjekti tjïrrh barkedh. Prosjekth gïeleööhpehtimmesne jïh lohkehtæjjaööhpehtimmesne læjhkan vihkeles jïh guhkies illedahkh åtneme. Seamma tïjjen goh orre, radtjoes jïh innovatijve prosjekth evtiesuvvieh, dle aaj båeries vuekieh aaj aarvoes jïh gearehke goh ”gïeleaajjah jïh -aahkah” maanagiertine jïh klaassetjiehtjielinie guessine minnieh. Guhkiem daarpesjamme abpe-Saepmien prosjekth aaj juhtieminie, goh Oummu rââst raaj – People cross the borders (2024-2026). Prosjekten ulmie lea skoltesaemien gïele- jïh kultuvrebyjresem nænnoestidh jïh ektievoeten gïelesijjiem tseegkedh skoltesaemide Nöörjesne jïh Soemesne. (https://www.interregaurora.eu/approved-projects/oummu-raast-raaj-people-cross-the-borders/).
Dah gïeh meatan networkshopesne aaj båetije biejjieh digkiedin jïh guktie dåarjoe maahta haamoem åadtjodh SAMLA goh viehkine. Daelie SAMLA internasjonaale seminaarem soejkesjeminie gusnie SAMLA-dotkijh, lohkehtæjjah jïh lohkehtæjjastudenth tjöönghkieh juktie aamhtesen bïjre ”Internasjonaale jïh viertiestimmeles vuajnoeh aalkoealmetji lïerehtæmman” aelkieh soptsestidh. Bïeljelh jienebh bïevnesh!
Uáinimáid! Vuõinnlõõttâp! Vuojnnalip ruvva! Rætnoe gaavnesjibie! See you soon!
SAMLA-dotkije
Michelle Francett-Hermes
Dåakterekandidaate saemien kultuvresne Giellagas Instituhtesne, Oulun universiteetesne