Lohkehtæjjine årrodh saemien gïelesne jallh jeatjah aalkoealmetjegïeline gïerve barkoe. Jïjnjh lohkehtæjjah domtoeh stoerre dïedtem mij ij barre klaassetjïehtjelisnie, mohte aaj vijriebasse jaksa. Vaenieh leah lohkehtæjjah jïh dah jïjnjem oktegimsie berkieh. SAMLA viermedahke datnem/dijjem böörie seminaarese mesnie digkiedibie guktie smaave saemiengïelh ööhpehtidh jïh lïeredh. Guessieh bööreme jeatjah dajvijste gusnie aalkoealmetjegïelh. Guessieh edtjieh soptsestidh dej gïeli tsiehkiej bïjre jïh gaskenasjovne vuajnoeh buektedh. Biejjien mietie lohkehtæjjah, dotkijh jïh guessieh lohkehtieh jïh digkiedieh.
Lohkh jïenebe: https://site.nord.no/samla/2025/05/12/whats-on/