Sávvap berustiddjijda buorisboahtemav avta biejve seminárraj unna sámegielaj åhpadime birra gålgådismáno 24. b. jagen 2025. Galggap álggoálmmukgielaj åhpadimev ja oahppamav dágástallat iesjgeŋga perspektijvajs, sihke gå la sáhka iesjgeŋga vidjurij ja iesjgeŋga sisanoj birra. Sávvap buorisboahtemav guok rijkajgasskasasj guossijda gudi galggaba åvddånbuktet giellaåhpadimássjijt Aotearoan ja Kalaallit Nunaatin: Corinne Seals ja Carina Appelon Lykke Melgaard.
Gássjelis ja låssis barggo l álggoálmmukgiellaåhpadiddjen liehket, ja åhpadiddje dájn gielajn álu åvdåsvásstádusáv dåbddi aj klássalanjá ålggolin. Unna sámegielaj unneplågodille dahká hásstaliddje åhpadimvidjurav gånnå gávnnuji gallegasj barggoguojme. Dajnas SAMLA-værmádahka duv bivddip seminárraj unna sámegielaj åhpadime ja oahppama birra. Bivddip guosselågådallijt ietjá álggoálmmukguovlojs buvtátjit rijkajgasskasasj perspektijvajt. Biejve nalluj åhpadiddje, dutke ja guosse lågådalli, ja duodden sjaddi rabás dágástallama ja gatjálvisá.
Sierraláhkáj buorisboahtemav sávvap dajda gudi åhpadi jali galggi åhpadit oarjjelsámegielav, julevsámegielav, anársámegielav ja gieldasámegielav, duodden akademihkkárijda ja dutkijda gudi guoradalli dáj gielaj åhpadimdilijt ja aj iehtjádijda dájs juohkusijs/giellabirrasijs gejda dákkir ássje guosski.
Tjáleda ietjat seminárraj dási: https://forms.office.com/Pages/ResponsePage.aspx?id=nz3R_t8hXUiQmiMfPG0W8I3–u7Q2dVEqdgvxcpVAN9UOVlMSEczSUpFQjk3VDVWUDc5Q01QQ0RDMC4u
Prográmma: https://site.nord.no/samla/whats-on/