{"id":1428,"date":"2017-11-24T09:21:31","date_gmt":"2017-11-24T09:21:31","guid":{"rendered":"http:\/\/nfye.w.uib.no\/?p=1428"},"modified":"2017-11-24T09:21:31","modified_gmt":"2017-11-24T09:21:31","slug":"god-forventingsavklaring-om-studieinnhald-kan-det-minske-frafallet","status":"publish","type":"post","link":"https:\/\/site.nord.no\/studenterssuksess\/god-forventingsavklaring-om-studieinnhald-kan-det-minske-frafallet\/","title":{"rendered":"God forventingsavklaring om studieinnhald \u2013 kan det minske fr\u00e5fallet?"},"content":{"rendered":"

Skrevet av Gunhild S\u00f8lvberg<\/a>, r\u00e5dgjevar ved H\u00f8gskulen p\u00e5 Vestlandet (HVL)
\nNorske utdanningsinstitusjonar knivar om \u00e5 f\u00e5 ferske studentar til sine campusar og studieprogram. Nokre institusjonar m\u00e5 promotere seg sj\u00f8lv meir enn andre, men felles for mange er uansett at institusjonane ofte legg mykje vekt p\u00e5 ikkje-faglege element i marknadsf\u00f8ringa: Storsl\u00e5tt natur p\u00e5 studiestaden, gode fadderopplegg, popul\u00e6re underhaldningstilbod osv. Dette er element som sj\u00f8lvsagt er viktige i studentkvardagen og vil bidra til om studenten trivst eller ei. Difor er det ogs\u00e5 naturleg at dei har ein plass i marknadsf\u00f8ringa. Utfordringa er \u00e5 samtidig klare \u00e5 formidle nok informasjon om innhaldet i<\/strong> studia<\/strong>. Klarer ein \u00e5 skape riktige forventningar til studieinnhaldet, ligg mykje til rette for at ein student har eit godt bilde av kva som ventar i studiekvardagen n\u00e5r det gjeld alt fr\u00e5 undervisnings- og evalueringsformer, tal studiekompisar, til moglegheiter og krav til praksis, forsking og utveksling.
\nDet vil alltid vere studentar som ombestemmer seg undervegs i eit studiel\u00f8p, og som av ulike grunnar vel \u00e5 droppe eit studium. Det er naturleg. Samtidig m\u00e5 vi fors\u00f8ke minske den delen av fr\u00e5fallet som er negativ for den enkelte og for samfunnet. Med ei god forventningsavklaring og oppf\u00f8lging som startar allereie f\u00f8r<\/strong> opptak, er det mindre fare for \u00e5 miste studentar som sluttar fordi studiet ikkje var slik dei trudde det skulle vere<\/em>.
\nLeiar av Studentparlamentet ved Dronning Mauds Minne H\u00f8gskole, Stian K\u00e5sa stiller sp\u00f8rsm\u00e5l ved rekrutteringa til utdanning generelt, og \u00e5 inkludere fr\u00e5fall i opptaksberekningane spesielt. Han hevdar at \u00abutgangspunktet for en bedre barnehage starter med en god barnehagel\u00e6rerutdanning som prioriterer kvalitet p\u00e5 innhold, ikke kvantitet p\u00e5 studenter\u00bb. Dette kan overf\u00f8rast til andre fagfelt, og sj\u00f8lv om \u00e5rsakene til fr\u00e5fall er sv\u00e6rt samansette, er det n\u00e6rliggande \u00e5 tru at jo meir innsikt ein s\u00f8kar har om studieinnhaldet han\/ho er nysgjerrig p\u00e5, jo meir sannsynleg er det at han\/ho gjer eit riktig val n\u00e5r s\u00f8knadsfristen n\u00e6rmar seg.
\nIf\u00f8lgje forskning.no kom det i Tilstandsrapporten for h\u00f8yere utdanning i 2016<\/em> fram at mykje av fr\u00e5fallet i h\u00f8gare utdanning er knytt til at studentane vel eit nytt studium. Dersom ein i st\u00f8rre grad klarer \u00e5 f\u00e5 studentane til \u00e5 velje rett i f\u00f8rste omgang, sparer ein den enkelte for mykje grubling og tid, og ein sparer tid og ressursar hos dei aktuelle institusjonane, b\u00e5de administrativt og fagleg. Ein har alts\u00e5 mykje \u00e5 vinne p\u00e5 \u00e5 gje god informasjon i forkant, b\u00e5de i form av marknadsf\u00f8ring, men ogs\u00e5 i kommunikasjon med s\u00f8kar i fasen mellom s\u00f8knad og opptak, der s\u00f8karar som er usikre p\u00e5 valet sitt kanskje tar kontakt med institusjonen. God oppf\u00f8lging og r\u00e5dgjeving allereie fr\u00e5 dette tidspunktet vil gjere s\u00f8karane sikrare og kjenne seg godt ivaretatt \u2013 noko som igjen vil ha ei positiv smitteeffekt for alt som skjer fr\u00e5 og med studiestart, om s\u00f8karen landar p\u00e5 \u00e5 faktisk velje den aktuelle institusjonen.
\nFordi ein uansett vil m\u00e5tte rekne med noko fr\u00e5fall, er det vanskeleg \u00e5 sj\u00e5 at institusjonane vil g\u00e5 heilt bort fr\u00e5 \u00e5 berekne \u00abfor mange\u00bb studentar i inntaket. Samtidig m\u00e5 det vere eit m\u00e5l \u00e5 lande p\u00e5 ei mest mogleg treffsikker berekning. Det vil fort kunne virke negativt inn p\u00e5 milj\u00f8 og motivasjon om eit kull opplever stadig f\u00e6rre studentar p\u00e5 f\u00f8relesningar og seminar gjennom semesteret. I fors\u00f8ket p\u00e5 \u00e5 n\u00e5 eit slikt m\u00e5l \u2013 treffsikre tal om opptak- , kjem vi tilbake til god informasjon om studieinnhald. Her kan institusjonane svare at emneomtalar ligg p\u00e5 nettsidene, men det er ikkje gitt at potensielle studentar set seg inn i desse. Vi kan vidare tenke at det er studentens ansvar -noko det jo er- men p\u00e5 same m\u00e5te som studiestadene blir presentert p\u00e5 ein m\u00e5te tilpassa m\u00e5lgruppa og kor dei er i \u00abkj\u00f8psprosessen\u00bb, b\u00f8r studieinnhaldet kunne presenterast slik at s\u00f8karane f\u00e5r ein god f\u00f8rste presentasjon som lett leier dei vidare til oppdaterte studieplanar og emneomtalar.
\nEin god og riktig presentasjon av mangfaldet av studia fordrar at dei som jobbar med marknadsf\u00f8ring har tett kontakt med dei ulike fagmilj\u00f8a, slik at framstillinga til ei kvar tid er oppdatert og gir eit riktig bilde av kva ein vil m\u00f8te som student. Det gjeld uansett om presentasjonen er p\u00e5 nett, i brosjyrar eller blir gitt via ein studierepresentant p\u00e5 ei messe. Tette band til r\u00e5dgjevarar i den vidareg\u00e5ande skulen er ogs\u00e5 viktig, sidan dei ofte er n\u00f8kkelpersonar for elevar som fors\u00f8ker finne fram i jungelen av moglegheiter.
\nMed god forventningsavklaring rundt studieinnhald i forkant av opptak og f\u00f8r semesterstart, vil alle som i ulike roller jobbar for eit godt fagleg og sosialt innhald etter semesterstart<\/em> ha det beste utgangspunktet for vidare jobbing for h\u00f8g studenttrivsel og minst mogleg fr\u00e5fall.
\nKjelder:<\/strong><\/p>\n