Sääʹmǩiõll

Leäk-a ton sääʹmǩiõl uʹčteeʹl leʹbe mättʼtõõttmen uʹčteeʹlen? Puäʹđ mieʹldd mainstõõllâd kollegaivuiʹm Taarrâst, Ruõccâst da Lääʹddjânnmest, ǩeäk mättʼte leʹbe mättʼtâʹtte uʹcc sääʹmǩiõlid: sääʹm-, saujjsääʹm-, juuʹlevsääʹm- da aanrõšǩiõl. Mainstõõllmõš lij neeʹttest skamm-mannu 12. peeiʹv čiâss 15:00-17:00 Lääʹddjânnam ääiʹj. Looǥǥ lââʹzz da iʹlmmtõõđ tääiʹben. Lie-a kõõččmõõžž? Kõõjj Ingvillest: ingvill.b.aberg@nord.no

SAMLA-säimmõs kåčč universiteeʹtt da škooultõõzz tiõđkååʹdd šuurid Nord universiteeʹttest da Kõskk-Ruõcc universiteeʹttest dialoog-seminaaʹre. Mainstep tõʹst, ǩii vuäitt da ǩii âlgg raajjâd sââʹj uʹcc sääʹmǩiõʹlid jiijjâs ââlda. Dialoog älgg skamm-mannu 17. peeiʹv čiâss 15:30 Lääʹddjânnam ääiʹj. Prograammâst lie  meeraikõskksaž kuõʹssi saakkvuâr da joukksaǥstõõllmõš. Kõõččmõššân lie: Mâiʹd põrggâp tuejjeed? Mâiʹd ååʹn lie tuejjeʹmen? Mâiʹd mij taarbšep? Mäʹhtt… Read more: Skamm-mannu 17. peeiʹv 2026: Universiteeʹtt vuäittmõõžž da vaʹsttõõzz

Piâtnâc skamm-mannu 24. peeiʹv SAMLA jäʹrjsti Meeraikõskksâž da verddõõli ǩiõččâmvueʹjj alggmeerai ǩiõli mättjummša -seminaar. Pâʹjjel 40 vuässõõttjed seuʹrrje seminaar interneeʹttest. Seminaarâst kueʹssloǥlmõõʹsti mainste juõʹǩǩkaž jiijjâs perspektiivâst assimilaatiost, kolonisaatiost, vuâsttlâʹsttemooddâst da alggmeerai ǩiõli mååustvälddmõõžžâst. Dåhttar Corinne Seals Te Herenga Waka – Wellington universiteeʹttest, Aotearoast/Ođđ-Seelaantâst mainsti ǩiõli luämmlõs âânnmõõžžâst (translanguaging) alggmeerai pirrõõzzin. Son uuʹdi ouddmiârkid Ođđ-Seelaantâst, mäʹhtt… Read more: Meeraikõskksâž da verddõõli ǩiõččâmvueʹjj alggmeerai ǩiõli mättjummša

SAMLA lij projeʹktt, mâʹst leäʹp raajjmen uʹcc sääʹmǩiõli õhttsažtuâjjsääiʹm. Mieʹrren lij puʹhtted õʹhtte uʹčteeʹlid, mättʼtõõđjid, tuʹtǩǩeeʹjid da mieʹrreeʹjid. Pâʹsslašttâm-mannu 21. peeiʹv 2025 SAMLA oummu kaaunõʹtte vuõssvuâra neʹtt-tuâjjpääʹjest ”Uʹcc sääʹmǩiõli tuʹtǩǩummuš da mättʼtummuš kolmmân jânnmest.” Tän neʹtt-tuâjjpäjja puõʹtte nellj uʹcc sääʹmǩiõl tuʹtǩǩeei: saujjsääʹmǩiõl, juuʹlevsääʹmǩiõl, aanrõšǩiõl da sääʹmǩiõl. Mieʹldd leʹjje nellj oummu Oulu universiteeʹtt Giellagas-instituuttâst: Markus Juutinen,… Read more: Pueʹtted tiõrvân SAMLA bloʹǧǧe!