SAMLA-værmádahka gåhttju Nuortta universitiehta ja Gasskauniversitiehta oajvemusájt ja dáj åhpadiddjeoahppafakultiehtaj oajvemusájt ságastallamseminárraj åvdåsvásstádusáj ja máhttelisvuodaj birra sajijt dagátjit unna sámegielaj åvdås daj guovlojn.
Ságastallam dåladuvvá basádismáno 17. biejve, kl. 14.30 Vuona/Svieriga ájge milta. Prográmman li rijkkagasskasasj guosselågådallama ja juogosságastallama tjuovvovasj gatjálvisájt guoradalátjit: Ma li mijá ájggomusá ja ulme? Majt lip dahkamin? Majt dárbahip? Gåktu l máhttelis aktan barggat?
Guosselågådalle Adam Gaudry, båddåsasj dekádna Álggoálmmukåhpadusáj fakultiehtan, Alberta universitiehtan, Canadan.
Guosselågådalle Sigga-Marja Magga, Giellagas Instituhta oajvve, Oulu universitiehtan, Suoman.
Le gus dujna gatjálvisá jali árvvalusá? Válde aktijvuodav Ingvillijn e-påsta ingvill.b.aberg@nord.no baktu.